Social Icons

Featured Posts

Tuesday, August 23, 2016

TUNAKARIBISHA MATANGAZO KWA NAMBA 0765 615858

UKIWA na habari/picha ambazo unafikiri ni vema dunia ikajua tukio nk usisite kututumia kwa namba 0765 615858 AU Barua pepe kalulunga2006@gmail.com karibu sana MPAKANI BLOG.

SHAUNAE MILLER; MWANARIADHA ALIYEPATA MEDALI KWA KUJIANGUSHA

Shaunae Miller akiteleza wakati wa kumaliza mbio za mita 400 Olympic Rio 2016
Michuano ya olimpiki imemalizika nchini Brazil, huku ikiweka rekodi ya kuwa na matukio mbalimbali ya kuvutia na kustaajabisha.


Miongoni mwa matukio hayo ni medali ya kwanza mwaka huu nchini Bahama kupatikana kwa njia ya kujirusha kupitia kwa mwanariadha wake Shaunae Miller.

Miller alimaliza akitumia muda bora zaidi kwake msimu huu wa sekunde 49.44 akimtuma Mmarekani Allyson Felix aliyetumia sekunde 49.51 na nafasi ya tatu ikikamatwa na raia wa Jamaica akitimua vumbi kwa sekunde 49.85.
Hali ilivyokuwa
Shaunae Miller akiwa chini baada ya kumaliza mbio za mita 400 karika Rio 2016
Wakati mbio zikianza, mwanadada Miller alionekana kuwa imara na kuongoza katika mita 400, lakini alikuja kupitwa na Allyson Felix wa Marekani.
Wakati wakikaribia kumalizia mita 400 walionekana kama kuwa sawa, huku Allyson akiwa na matumaini makubwa ya kutwaa medali ya dhahabu ndipo Miller alipoteleza hivyo kuwa mbele ya Mmarekani.
Katika hatua hiyo shingo zao zilikuwa sawa huko Allyson akijielekeza zaidi kutaka medali hiyo.
Hata Mmarekani hadi dakika ya mwisho hakuwa amefahamu nani aliyeshinda mbio hizo, “Sikuwa na hakika, hapana” alinukuriwa Allyson.
Allyson alikiri kwamba mwanariadha huyo wa Bahama hakuwa kufanya kitendo kama hicho licha ya kwamba kilimuudhi sana.
Aidha mjadala mzito uliibuka katika mitandao ya kijamii kama kujirusha kama alivyofanya Miller kilikuwa kitendo kinachokubalika?
Miller alinukuriwa akisema, “Kilichokuwapo katika ufahamu wangu ilikuwa ni kutwaa medali ya dhahabu, kilichofuata nilijikuta chini, zilikuwa hisia za kustaajabisha…mpaka sasa sijajua nini kilichotokea.”

Je ushindi ni halali
Ushindi wa Miller uko sahihi kutokana na sheria kuweka wazi, “Mwanariadha wa kwanza ambaye kiungo kimojawapo kitakuwa kimetangulia (torso) na kuvuka mstari ndiye atatangazwa mshindi.”

Torso inajumuisha shingo, kichwa, mikono, miguu, viganja vya mikono na nyayo.
 
Ikumbukwe mrukaji mahiri wa vihunzi raia wa Brazil João Vitor de Oliveira alishinda mita 110 katika nusu fainali kwenye michuano hii kwa kujirusha.

Mwaka 2008 kwenye michuano ya olimpiki, Mmarekani David Neville alitwaa medali ya shaba katika mita 400 kwa kujirusha kama alifanya Miller.
Wasifu wa Sahunae Miller
Shaunae Miller akishangilia baada ya kutwaa medali ya dhahabu katika Rio 2016
Alizaliwa Aprili 15, 1994 katika mji wa Nassau nchini Bahamas, kwa sasa anaishi nchini Athens nchini Ugiriki na Georgia nchini Marekani na ana uzito wa kilogramu 69.

Mpaka sasa ametwaa medali tatu za dhahabu katika olimpiki, moja ya fedha na nyingine ni ya shaba.

Za dhahabu aliweka rekodi katika michuano ya dunia kwa vijana mwaka 2011 mjini Lille, Ufaransa.

Michuano ya Junior mwaka 2010 mjini Moncton yalimpa meda ya dhahabu.

Mwaka 2014 alishiriki katika michuano ya ndani riadha ya ndani mjini Sopot akiambulia medali ya shaba.


Pia mwaka 2015 jijini Beijing aliambulia medali ya fedha katika michuano ya riadha ya dunia.

LOWASSA AKWAMA KUFANYA MKUTANO MBARALI MBEYA



(Picha kwa hisani ya jf).

ALIYEKUWA mgombea wa Urais kupitia Chama cha Demokrasia na Maendeleo Chadema, Edward Lowassa, amekwama kuendelea na mikutano yake ya ndani aliyoianza tangu Juzi Mkoani Mbeya.

Taarifa zilizotufikia zoimeeleza kwamba, kiongozi huyo ambaye jana baada ya kumaliza mkutano wake wa ndani na wanachama wenzake wa chama hicho mjini Mbalizi Jimbo la Mbeya Vijijini, alikuwa akikusudia kwenda mkoa wa Rukwa ambako Waziri Mkuu Kassim Majaliwa anaendelea na ziara ya kiserikali.

Imeelezwa kwamba alipigiwa simu kwamba aahirishe ziara hiyo ambapo alitii na leo asubuhi alikusudia kufanya mkutano na wanachama wenzake Jimbo la Mbarali ambako ameshindwa kufanya baada ya kuzuiwa.

Hata hivyo kwa sasa yupo njiani kuelekea mkoani Iringa ambako taarifa ambazo www.mpakani.com zimenasa ni kwamba nako hatoweza kufanikiwa mkutano anaodhani ataufanya kutokana na sababu ambazo zinaendelea kutujia katika dawati letu la uchunguzi.

Endelea kuwa nasi.

DAWA ZA KULEVYA TANZANIA

Dawa za kulevya ni kemikali za asili (za kulimwa) au za kutengenezwa viwandani ambazo zina uwezo wa haraka wa kuathiri utendaji kazi wa asili wa mwili, akili na  tabia za mtumiaji pale zinapotumika vibaya. (rapid  physical, mental and behavioral change).

    Dawa za kulevya zinaweza kugawanywa katika Makundi Matatu:
    VILETA NJOZI/MARUWERUWE (Hallucinogens)
              (psychological dependence),
    VIPUMBAZA (Depressants) have both (psychological and physiological dependence)
    VICHANGAMSHI       (Stimulants) (psychological dependence)
    NB: Pia kuna dawa za tiba zenye madhara ya kulevya
          
Nchi yetu inakabiliwa na tatizo la matumizi na biashara haramu ya dawa za kulevya. Hali hii inachangiwa na sababu mbalimbali zikiwemo uelewa mdogo wa jamii juu ya tatizo hili, mmomonyoko wa maadili na tamaa ya kujipatia utajiri wa haraka.   

Urefu wa mpaka wa nchi wenye vipenyo vingi hurahisisha usafirishaji haramu wa  dawa za kulevya na kufanya udhibiti kuwa mgumu. Vilevile,  bandari zetu hutumiwa na baadhi ya nchi jirani kupitisha bidhaa zao hivyo kuwepo uwezekano wa nchi yetu kutumika kupitishia dawa hizo. 


Madhara ya matumizi na biashara ya dawa za kulevya  yanadhihirishwa katika nyanja mbalimbali zikiwemo za  kiuchumi, kiafya, kijamii, kisiasa, kiusalama na kimazingira.

Biashara ya dawa za kulevya husababisha mzunguko wa fedha haramu unaochangia kuongezeka  kwa mfumuko wa bei,  kuhodhiwa kwa uchumi na watu wachache, ongezeko la pengo la vipato na kuwepo kwa uwekezaji haramu. Aidha, matumizi ya dawa za kulevya hudhoofisha afya ya watumiaji na kuathiri uwezo wao wa kufanya kazi.

Badala ya Taifa kuelekeza rasilimali zake katika kukuza uchumi wa nchi, sehemu ya rasilimali hizi hutumika kukabiliana na tatizo la dawa za kulevya kama vile  kutibu watumiaji na kudhibiti wafanyabiashara wa dawa za kulevya.

Biashara ya dawa za kulevya huchangia kuvuruga mfumo wa maisha katika jamii ikiwemo kumomonyoka kwa maadili, biashara ya ngono, kudharaulika kwa tamaduni za jamii,  rushwa,   kushuka kwa kiwango cha elimu, utoro mashuleni na kazini na migogoro ya kijamii na kifamilia ambayo huchangia  kuvunjika kwa ndoa na ongezeko la watoto wanaoishi katika mazingira magumu. 

Matumizi ya dawa za kulevya hudhoofisha afya ya mtumiaji na kusababisha magonjwa mbalimbali yakiwemo  homa ya ini, kifua kikuu na VVU/UKIMWI hasa kwa watumiaji kwa njia ya kujidunga  na vifo vya ghafla.

Wafanyabiashara wa dawa za kulevya huweza hujiingiza katika siasa na kushika nyadhifa ambazo ni nyeti serikalini ili kulinda na kuendeleza biashara yao. Pia wanaweza kufadhili chaguzi na kuwaweka madarakani vibaraka wao ili watekeleze matakwa yao.
 
 
Biashara ya dawa za kulevya huweza kuhatarisha usalama wa nchi kwa kusababisha vita vya wenyewe kwa wenyewe, ugaidi, uharamia na mapinduzi ya tawala halali zilizopo madarakani. Madhara mengine ni pamoja na ujambazi, utapeli, wizi na utekaji nyara.

Uharibifu wa mazingira unaotokana na dawa za kulevya unasababishwa na ukataji na uchomaji ovyo wa misitu na mapori ili kupata maeneo yaliyojificha kwa ajili ya kilimo haramu cha bangi. Kwa mfano, kuharibiwa kwa misitu ya Tao la Mashariki katika wilaya za Korogwe, Kilindi, Morogoro na Kilombero ili kulima bangi kumesababisha mmomonyoko mkubwa wa udongo na baadhi ya mito kukauka. Aidha, athari nyingine ni kutupwa ovyo kwa sindano zilizotumika mitaani na katika mwambao wa Pwani kama vile maeneo ya  Msasani, Mbudya na Bongoyo. 

Katika kipindi cha mwezi February mwaka 2014 kiasi cha kilo 239.5 karibia kilo 240 za heroin kilikamatwa katika miji ya Dar Es Salaam na Zanzibar kikiwahusisha watuhumiwa 13 kati yao wairani 8, Pakistan 4,  na Mgiriki moja. Njia inayotumika zaidi ni njia ya maji kupitia bandari na fukwe za pwani ya Tanzania zikiwemo za mikoa ya Tanga, Pwani, Dar Es Salaam, Lindi na Mtwara. 

Aidha, njia ya anga ambapo wasafirishaji humeza au  kuficha kwenye mabegi ya nguo na mbinu zingine za ufichaji wa dawa hizo umeendelea kutumika ili kuweza kukwepa vyombo vya dola wakati wa kusafirisha dawa hizo.

Taarifa zilizotolewa na vyombo mbalimbali vya kimataifa hasa Interpol na  UNODC jumla ya kilo 350 za heroin zilikamatwa na vikosi vya Wanamaji (Combined Maritime Forces (CMF)) wa Australia katika bahari kuu  ya Hindi pamoja kilo 265 za heroin zilikamatwa na vikosi vya wanamaji wa Canada (Combined Maritime Forces (CMF)) katika bahari kuu ya Hindi zikielekea Tanzania.

Katika kipindi cha mwezi Machi mwaka 2014 kiasi cha kilo 8.81867 za dawa za kulevya zikiwemo kilo 3 za Heroin na Cocaine kilo 5.81867 zilikamatwa zikihusisha watuhumiwa 4 kati yao wanawake wawili na wanaume wawili moja akiwa ni raia wa Marekani. Aidha, zilikamatwa kilo 4.18 za kemikali bashirifu aina ya ephedrine zikisafirishwa kwenda Afrika Kusini .   Katika kipindi hiki cha mwezi Machi njia ya anga imetumika zaidi kusafirisha dawa hizo. Mbinu zinazotumika kuficha dawa hizo ni kumeza na kuficha kwenye mabegi ya kusafiria.
 
 
Hii inamaanisha kuwa karibia tani 2.5 za heroin zilikamatwa na vikosi mbalimbali vya wamamaji ( Combined Maritime Forces) wanaofanya doria katika  Bahari Kuu (International Waters) ya Hindi zilizokuwa ziingizwe katika Nchi za Afrika ya Mashariki hasa Tanzania na Kenya ili zihifadhiwe, zichakachuliwe, zifungwe, ziuzwe na nyingine zisafirishwe tena kwa njia mbalimbali za kificho kupelekwa katika masoko ya Afrika Kusini, Ulaya, China na Marekani.

Hali kadhalika, zimekuwepo jitihada za kupunguza matumizi ya dawa za kulevya miongoni mwa watumiaji wa dawa hizo ikiwemo utoaji wa huduma  za tiba . Kwa mfano,  mwaka 2011 watumiaji 3173 katika Jiji la Dar Es Salaam  walipatiwa tiba, Jiji la Tanga walitibiwa watumiaji 739, Jiji la Mwanza 80, Manispaa ya Dodoma 345, Manispaa ya Morogoro 250 na Zanzibar 97.  Mwaka 2012, utoaji tiba ulikuwa kama ifuatavyo:- Jiji la Tanga watumiaji 836,  Tabora 130, Jiji la Mwanza 422, na Iringa watumiaji 43.


Elimu juu ya athari  za dawa za kulevya hutolewa  kwa umma  kupitia matukio maalum ya kitaifa yakiwemo Wiki ya Vijana, Sabasaba, Nanenane  na Siku ya UKIMWI  Duniani.   

Pia, elimu hii hutolewa  kupitia vyombo vya habari kama vile redio, luninga na magazeti.  Aidha, machapisho mbalimbali yanayohusiana na  dawa za kulevya husambazwa nchini  kwa lengo la kutoa elimu.
Kuna aina mbalimbali za tiba ambazo mtumiaji wa dawa za kulevya anaweza kuzipata ili atengema.

Ushauri nasaha unatumika zaidi katika hatua mbalimbali za tiba aidha kwa kutumia hatua kumi na mbili (Recovery Oriented System of Care) ambapo watumiaji hukaa kwenye nyumba za upataji nafuu ( Sober Houses).

Kuna dawa mbalimbali zinatumika ili kumpunguzia mtumiaji uteja na usugu katika hospitali mbalimbali za afya ya akili na dawa za kulevya (detoxification).      Tiba mpya nchini na kusini mwa jangwa la sahari ni ya methadone kwa watumiaji wa heroin. 

M apambano dhidi ya dawa za kulevya yanakabiliwa na matatizo na changamoto mbalimbali zikiwemo:- kushamiri kwa kilimo cha bangi ambacho  hufanyika katika maeneo yasiyofikika kiurahisi; kuwepo kwa mipaka mingi, ukanda mrefu wa pwani na njia zisizo rasmi katika mipaka ya nchi yetu hali inayorahisisha uingizaji wa dawa za kulevya nchini;  uhaba wa vyombo vya udhibiti wa dawa za kulevya baharini ambayo ni njia kuu inayotumika kuingiza viwango vikubwa vya dawa hizo nchini; wananchi kutoshiriki kikamilifu katika vita dhidi ya dawa za kulevya  kutokana na sababu mbali mbali kama vile hofu ya kudhuriwa na wafanyabiashara wa dawa za kulevya na uelewa mdogo wa tatizo hili.  

Changamoto nyingine ni:- ukosefu wa tafiti za kutosha kuhusu matumizi na biashara haramu ya dawa za kulevya nchini; upungufu wa rasilimali za kupambana na tatizo la dawa za kulevya; uchache wa wataalamu katika kupambana na tatizo la  dawa za kulevya; unyanyapaa kwa watumiaji wa dawa za kulevya; kubadilika mara kwa  mara kwa mbinu na  njia za usafirishaji na ufichaji wa dawa hizo.

Jitihada nyingine ni pamoja na kutungwa kwa sheria mpya itakayoziba mianya yote iliyopo hivyo kusaidia udhibiti wa tatizo la dawa za kulevya nchini.

Kuuundwa kwa mamlaka/ chombo kipya huru na chenye nguvu kitakacho leta tija katika mapambano dhidi ya dawa za kulevya 

Kuanzisha kwa vituo vya tiba vya methadone ikianza na manispaa za Jiji la Dar es Salaam na baadae katika maeneo mengine ya nchi yetu hasa meneo mengine hasa Arusha, Dodoma, Mwanza, Mbeya, Tanga na Zanzibar. 

Kukuza uelewa kwa umma juu ya madhara ya dawa za kulevya hasa kwa vijana wa rika mbalimbali ikiwa ni pamoja na kuingiza suala la dawa za kulevya katika mitaala ya elimu katika ngazi zote.


Kushirikisha jamii kikamilifu katika mapambano dhidi ya dawa za kulevya kwa kuwalinda watoa taarifa wanaofichua siri za wahalifu wa dawa za kulevya.
 
 
Gordon Kalulunga(Development Journalist),
Information and Media Consultant,
P.O.BOX 705,
Mbeya-Tanzania.
Email- kalulunga2006@gmail.com
Web- www.mpakani.com

RC MAKALLA AKATAA KUGAWA ENEO LA VIWANDA KUWA MASHAMBA



 Umati uliojitokeza kwenye mkutano wa hadhara uliofanyika katika viwanja vya mahubiri mjini Mbalizi Mbeya Vijijini mwishoni mwa wiki, kumsikiliza Mkuu wa mkoa wa Mbeya, Amos Makalla na kutoa kero zao kwake.
 Maombi pia yalifanyika katika mkutano huo wa Mkuu wa mkoa wa Mbeya, Amos Makalla.
 Aliyedhauaruliwa na wengi yeye amkumbatia na kumpa fursa ya kusema chochote mkutanoni na akampatia namba ya simu na kiasi cha fedha baada ya kumpenda kwa hoja zake.
 Mkuu wa mkoa wa Mbeya akiwa na baadhi ya wananchi akisalimiana nao maeneo ya Viwanja vya Mikutano Mbalizi.
Mkutano ulipoisha kwa amani na utulivu ikaanmza safari ya kuendelea na majukumu mengine.

Na Gordon Kalulunga, Mbeya

MKUU wa Mkoa wa Mbeya, Amos Gabriel Makala, amekataa ombi la baadhi ya wananchi waliotaka shamba mali ya kiwanda cha Nyama cha Tanganyika Packers kilichopo wilaya ya Mbeya, waliotaka shamba hilo ligawiwe kwa ajili ya kilimo cha nafaka.

Akitoa msimamo wa serikali kuhusiana na ombi hilo alipokuwa katika ziara yake ya kikazi wilayani humo hususani katika mji mdogo wa Mbalizi, Makalla alisema kuwa Serikali ya Awamu ya tano imelenga kufufua viwanda na kujenga vipya, hivyo eneo hilo litabaki kuwa mali ya kiwanda.

“Shamba hilo litabaki kuwa mali ya serikali na ni maaluma kwa ajili ya kuchungia mifugo ambayo itakuwa inachinjwa katika kiwanda cha Tanganyika Packers na kiwanda cha Mbeya Textile nia ya serikali ni kuvifufua na kazi iliyopo ni kutafuta wawekezaji. Kufufuliwa  kwa viwanda hivyo kutaongeza ajira na masoko kwa  zao la Pamba na mifugo.” alisema Mkuu huyo wa Mkoa.

Katika mkutano wake na wananchi uliofanyika katika kiwanja cha mikutano maarufu kama uwanja wa Mahubiri, alipokea kero zaidi ya 20 na kuzijibia ambazo baadhi zikihusisha tatizo la Maji,  Mgogoro wa kisiasa ndani ya Mamlaka ya mji Mdogo wa Mbalizi, mvutano wa halmashauri na wafanyabiashara wa masoko A&B , ufufuaji viwanda na ujenzi wa ofisi ya halmashauri.

Makalla aliwaonya wote wanaochochea Mgogoro wa kisiasa ndani ya mamlaka ya mji Mdogo na amemwagiza Mkuu wa wilaya hiyo William Paul Ntinika, Mkurugenzi na viongozi wa Mamlaka kukaa pamoja na kuelekezana majukumu yao, kuelewa sheria na kutekekeza majukumu yao kwa mujibu wa sheria na si kwa mihemuko ya kiitikadi.

“Ndani ya wiki mbili, Mkuu wa wilaya uniletee taarifa za watu ambao hawataki kutii sheria maana wasio tii sheria mimi ndiyo wateja wangu” alisema.

Kuhusu tatizo la Maji mji wa Mbalizi amewaagiza Mamlaka ya Maji Mbeya kukaa na Mamlaka ya mji Mdogo mbalizi kuingia makubaliano ili Mamlaka ya Maji Mbeya wahudumiwe eneo la jiji na Mamlaka ya Mbalizi na kwa kufanya hivyo tatizo la Maji litakuwa limekwisha kwani Mamlaka ya Maji Mbeya wana Maji ya kutosha, watalaam, vitendea kazi vya kuboresha.

Kuhusiana  na Azma ya halmashauri kuwachukulia hatua bodaboda na  wafanyabiashara kutakiwa kuachia vyumba kama hawatalipa kiasi cha Tsh 50,000/= kutoka Tsh. 5,000/ na Tsh. 15,000/= amewagiza kukaa na kufikia muafaka ikiwemo kutoa Elimu  kwanza kabla ya kuchukua hatua.

UTAFITI: MADAKTARI AFRIKA HUZIDISHA DAWA KWA WAGONJWA

Utafiti unaonyesha kuwa madaktari wa nchi za kusini mwa Afrika wanatoa dawa nyingi zaidi ya zilizoagizwa na Shirika la Afya Duniani WHO. 

Utafiti huo uliofanywa na Chuo kikuu cha London kwa ushirikiano na kituo cha Kutoa ushauri wa afya cha nchini Ghana,ikihusisha nchi kumi na moja za kusini mwa jangwa la Sahara zinaonyesha kuwa wagonjwa wanapewa takribani dawa tatu kila wanapotembelea hospitali, moja zaidi ya maelekezo ya WHO.

Inasemekana tatizo ni baya zaidi kwenye taasisi zinazotengeneza faida, na kuchochea kuuza dawa.

Tafiti zimeonya kuwa matumizi makubwa ya madawa yanasababishwa na kulazimishwa kutumia dawa, kuzidisha dozi na kuleta athari mbaya kwa mchanganyiko unaosababishwa na kuchanganya dawa mbalimbali.

Pia wamegundua wagonjwa wengi wamekuwa wakipewa dawa za kutuliza maumivu pasipo kufanyiwa vipimo, na kuongeza hatari ya maambukizo yanayosababisha na kupambana na dawa.

Monday, August 22, 2016

DC KASESELA AWASWEKA NDANI WALINZI WAWILI WA KAMPUNI YA AMAZON SECURITY KWA KUNYANYASA WANANCHI

 Mkuu wa wilaya ya Iringa, Richard Kasesela, akimweka chini ya ulinzi mlinzi wa kampuni ya Amazon mjini Iringa baada ya kudaiwa kuwanyanyasa wananchi waliokuwa eneo la Hospitali.



Ni kama anasema (Pole sana mama, Serikali hii ni ya wanyonge, tupo pamoja)

Na www.mpakani.com

Iringa

JANA majira ya saa 3 na dakika 25 Usiku,  mkuu wa wilaya ya Iringa Mhe. Richard Kasesela alipokea wakina mama 3 wakiwa wanatetemeka kwa baridi, wakilalamika kumwagiwa maji walipokuwa wamekaa kwenye eneo la kusubiria wagonjwa walio lazwa hasa kwa wale walio toka mbali. 

Maji hayo yalimwagwa na walinzi wa kampuni ya Amazon ambao ndio wamepewa kandarasi ya ulinzi hospitali ya Rufaa ya Iringa. 

Mkuu wa wilaya alifika hospitali kujionea mwenyewe hali halisi, baadae pia akapata taarifa kuwa jana yake Mlinzi alimpiga mzee aliyekuwa ameleta chakula hospitali na kumwaga kwa mateke. Mkuu wa wilaya aliamuru mlinzi huyo na mwenzake wakamatwe pia mwenye kampuni afike kituo cha polisi haraka iwezekanavyo. 

"Hali hii imeudhi sana hasa ukiona jinsi wakina mama walivyo nyanyasika wengine vyombo vyao na chakula kuroweshwa maji." alisema Mh Kasesela.